خصوصیات

خصوصیات
۱۔ اس تفسیر میں فنی، ادبی، فقہی، کلامی، فلسفی اصطلاحات جن کا سمجھنا ایک خاص گروہ کے کیلئے مخصوص ہوتا ہے، پرہیز کیا گیا ہے۔ قرآن سے صرف ایسے نکات ذکر کیے گئے ہیں جن کا ترجمہ دنیا کی موجودہ زبانوں میں کرنا آسان ہو اور ان کے اندر ایک پیغام و راہنمائی پائی جائے ۔
۲۔ تفسیر بہ رائے سے پرہیز کیا گیا ہے ۔ لہٰذا صرف آیات یا اہل بیت رسول علیہم السلام کی روایات میں ذکر ہونے والے متن سے استفادہ کیا گیا ہے۔
۳۔ زیادہ تر معتبر شیعہ سنی تفاسیر سے حامل پیغام اور سبق آموز درس اخذ کیے گئے ہیں ۔ بعض نکات میرے ساتھیوں اور میری دقت نظری کا نتیجہ ہے۔

خدا تعالیٰ سے دعا ہے کہ ہم سب کو اخلاص، تدبر، عمل تبلیغ اور معارف قرآن کی نشر و اشاعت کی توفیق مرحمت فرمائے ۔ اس کام کو پورا کرنے کی توفیق عنایت فرمائے۔ قرآن پاک کو ہمارے لیے دنیا، برزخ اور قیامت کا نور قرار دے۔

محترم عوام سے چاہتا ہوں کہ تعلیم قرآن کو صرف تلاوت ، تجوید ، ترتیل اور تواشیح تک محدود نہ کرتے ہوئے قرآن میں تدبر اور اس پر عمل کو مقصد قرار دیں۔

علما فضلا سے چاہتا ہوں کہ تبلیغ و تدریس میں قرآن پاک کو اصلی متن اور اعلیٰ مقصد قرار دیں۔ ہر علاقے میں، علمی، ثقافتی مرکز می ، مساجد و مدارس میں قرآنی و تفسیری محافل کا انعقاد کریں۔

ہر اس شخص کا شکریہ ادا کرتا ہوں جنہوں نے اسلام ، قرآن و اہل بیت پیغمبرؑ کی آشنائی میں میرے ساتھ مل کر کردارادا کیا۔ ان کیلئے اور خاص طور پر اساتذہ کرام، اپنے والدین کیلئے خدائے منّان سے جزائے خیر چاہتا ہوں۔

اسی طرح وہ لوگ جنہوں نے اس تفسیر کی تالیف ، تدوین ، تصحیح اور نشر و اشاعت میں مدد کی ، اور وہ افراد جنہوں نے اس کام کی تکمیل کیلئے تعمیری تنقید اور مفید مشوروں سے نوازا ، شکریہ ادا کرتا ہوں ۔
محسن قرائتی
۳۔۸۔۷۴
۲۹ جمادی الاول ۔ ۱۴۱۵

تفسیر نور  :  فہرست